बुद्ध एयरले भ्रामक भाडा स्क्रिनसटप्रति आपत्ति जनाउँदै कडा कारबाहीको चेतावनी दियो

बुद्ध एयरले सामाजिक सञ्जाल तथा केही अनलाइन सञ्चारमाध्यममा फोटोशप र एआईको प्रयोग गरी हवाई भाडादरबारे भ्रामक स्क्रिनसट तथा सामग्री फैलाइएकोप्रति गम्भीर ध्यानाकर्षण जनाएको छ। कम्पनीले काठमाडौं–धनगढी एकतर्फी हवाई भाडा १० हजार ८ सय रूपैयाँमै उपलब्ध गराइरहेको स्पष्ट पार्दै न्यूनतम भाडादरमा टिकट दिइरहेकाले अधिकांश दिनका उडानमा टिकट बिक्री भइसकेको जनाएको छ। बुद्ध एयरले अनधिकृत रूपमा बढी भाडा लिएको पाइए कडा कारबाही गर्ने चेतावनी दिएको छ। उक्त प्रेस विज्ञप्ति बिहीबार जारी गरिएको हो।