श्रम विभागले श्रमिकलाई अनिवार्य चाडपर्व खर्च उपलब्ध गराउन निर्देशन दियो

युवा, श्रम तथा रोजगार मन्त्रालयअन्तर्गतको श्रम तथा व्यवसायजन्य सुरक्षा विभागले सबै रोजगारदाता तथा प्रतिष्ठानहरूलाई आफ्ना श्रमिकहरूलाई अनिवार्य रूपमा चाडपर्व खर्च उपलब्ध गराउन निर्देशन दिएको छ। विभागले बिहीबार जारी गरेको विज्ञप्तिअनुसार श्रम ऐन, २०७४ को दफा ३७ बमोजिम प्रचलित धर्म, संस्कृति तथा परम्पराअनुसार मनाइने चाडपर्वका लागि प्रत्येक श्रमिकले खाईपाई आएको एक महिनाको पारिश्रमिकबराबर चाडपर्व खर्च पाउनुपर्ने व्यवस्था छ। चाडपर्व खर्च नदिएमा उजुरी गर्न विभागले आह्वान गरेको छ।