दोलखामा अलपत्र निर्माणका २२ ठेक्का रद्द

भौतिक पूर्वाधार मन्त्रालयअन्तर्गतको सडक विभाग, संघीय सडक सुपरिवेक्षण तथा अनुगमन कार्यालय काठमाडौं मातहतको सडक डिभिजन कार्यालय चरिकोटले दोलखामा वर्षौंदेखि विकास निर्माणका काम अलपत्र पार्ने २२ निर्माण व्यवसायी तथा कम्पनीको ठेक्का सम्झौता अन्त्य गरेको छ। शुक्रबार सार्वजनिक सूचना जारी गर्दै कार्यालयले विभिन्न सडक आयोजनाको ठेक्का तोडिएको र वित्तीय फरफारकको प्रक्रिया अघि बढाइएको जनाएको छ। आर्थिक वर्ष २०७९/८० मा जिम्मा लिएर काम नगर्ने निर्माण व्यवसायीहरूको ठेक्का रद्द गरिएको हो।