माकलबारीमा वृद्ध महिलाको घाँटीबाट सुनको तिलहरी लुट्ने युवक पक्राउ

काठमाडौंको गोकर्णेश्वर नगरपालिका–८, माकलबारीमा वृद्ध महिलाको घाँटीबाट सुनको तिलहरी लुटपाट गरेको आरोपमा २९ वर्षीय सुनिल सुनार पक्राउ परेका छन्। पर्साको ठोरी गाउँपालिका घर भई हाल माकलबारीमा बस्दै आएका सुनारले असोज २१ गते दिउँसो करिब ३ः२४ बजे आफ्नै घरअगाडि उभिरहेकी वृद्ध महिलाको घाँटीबाट तिलहरी लुटेर फरार भएका थिए। काठमाडौं प्रहरीले उनलाई पक्राउ गरेको हो।

काठमाडौंको गोकर्णेश्वर नगरपालिका–८ माकलबारीमा वृद्ध महिलाको घाँटीबाट सुनको तिलहरी लुटपाट गरेको आरोपमा प्रहरीले २९ वर्षीय सुनिल सुनारलाई पक्राउ गरेको छ। पर्साको ठोरी गाउँपालिका घर भई हाल माकलबारीमा बस्दै आएका सुनारले आफ्नै घरअगाडि उभिरहेकी वृद्ध महिलाको घाँटीमा लगाएको अन्दाजी चार आना तौलको ७५ हजार रुपैयाँ मूल्यको सुनको तिलहरी लुटेर फरार भएका थिए। जिल्ला प्रहरी परिसर काठमाडौंका अनुसार असोज २१ गते दिउँसो सो घटना भएको थियो।