सुर्खेतका जंगलबाट प्रहरीले १८ नाल भरुवा बन्दुक बरामद गर्‍यो

सुर्खेतका जंगलबाट प्रहरीले १८ नाल भरुवा बन्दुक बरामद गरेको छ। जिल्ला प्रहरी कार्यालय सुर्खेतका प्रवक्ता कविन्द्रसिंह बोहोराका अनुसार शुक्रबार पश्चिम सुर्खेतको चौकुने र बराहतालका जंगलबाट ती बन्दुक फेला परेका हुन्। प्रहरीले तीन छुट्टाछुट्टै स्थानबाट बन्दुक बरामद गरी अनुसन्धान सुरु गरेको छ।

सुर्खेतका जंगलमा लुकाइछिपाइ राखिएका १८ नाल भरुवा बन्दुक प्रहरीले बरामद गरेको छ। जिल्ला प्रहरी कार्यालय सुर्खेतका प्रवक्ता कविन्द्रसिंह बोहोराका अनुसार शुक्रबार चौकुने गाउँपालिका–७ को सान्नेघारी जंगलबाट पाँच नाल, चौकुने गाउँपालिका–१ को धामिसेन जंगलबाट १२ नाल र बराहताल गाउँपालिका–१ को ज्यामिरे जंगलबाट एक नाल बन्दुक फेला परेको हो। विशेष सूचनाका आधारमा इलाका प्रहरी कार्यालय बाबियाचौरका प्रहरी निरीक्षक भुपेन्द्र शाहीको कमाण्डमा खटिएको प्रहरी टोलीले बन्दुक बरामद गरेको हो। घटनाबारे अनुसन्धान सुरु गरिएको छ।