परराष्ट्रमन्त्री खनाल फिजी, टुभालु र अस्ट्रेलिया भ्रमण सकेर स्वदेश फिर्ता

परराष्ट्रमन्त्री शिशिर खनालले नेपालमा हालै गएको विनाशकारी बाढीबाट प्रभावित क्षेत्रको राहत, पुनर्लाभ तथा पुनर्निर्माणका लागि अस्ट्रेलियाले थप १५ मिलियन अस्ट्रेलियन डलर अनुदान सहायता दिने घोषणा गरेको जानकारी दिएका छन् । यो घोषणा उनको अस्ट्रेलिया भ्रमणका क्रममा विदेशमन्त्री वोङसँग भएको वार्तापछि भएको हो । वार्तामा वोङले बाढी विपद्बाट भएको जनधनको क्षतिप्रति दुःख व्यक्त गर्दै अस्ट्रेलिया सरकार र जनताको ऐक्यबद्धता प्रकट गरेका थिए । फिजी र टुभालुमा आयोजित जलवायु परिवर्तनसम्बन्धी उच्चस्तरीय ‘प्रि–कोप लिडर्स इभेन्ट’ मा सहभागी भई अस्ट्रेलियाको औपचारिक भ्रमण सकाएर शनिबार त्रिभुवन अन्तर्राष्ट्रिय विमानस्थलमा फर्किएका खनालले सञ्चारकर्मीसँग कुरा गर्दै उक्त जानकारी दिएका हुन् ।

परराष्ट्रमन्त्री शिशिर खनाल फिजी र टुभालुमा आयोजित जलवायु परिवर्तनसम्बन्धी उच्चस्तरीय ‘प्रि–कोप लिडर्स इभेन्ट’मा सहभागी भई अस्ट्रेलियाको औपचारिक भ्रमण सकेर शनिबार स्वदेश फर्किएका छन् । त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्दै उनले बाढीपछिको पुनर्निर्माणका लागि अस्ट्रेलियाले एक करोड ५० लाख अस्ट्रेलियन डलर अनुदान दिने घोषणा गरेको जानकारी दिए । परराष्ट्र मन्त्रालयका अनुसार अस्ट्रेलियाका विदेशमन्त्री वोङसँगको वार्तामा उक्त सहायता घोषणा भएको हो र यससँगै बाढी विपद् प्रतिकार्यका लागि अस्ट्रेलियाले घोषणा गरेको कुल सहायता दुई करोड ६० लाख अस्ट्रेलियन डलर पुगेको छ । रसुवा बाढीबाट प्रभावित क्षेत्रको राहत, पुनर्लाभ तथा पुनर्निर्माणमा यो सहायता उपयोग हुनेछ ।