बेलायतका लागि प्रस्तावित राजदूत जबराले संसदीय समितिमा कार्ययोजना प्रस्तुत गरे

संयुक्त अधिराज्य (बेलायत) का लागि प्रस्तावित नेपाली राजदूत गौरवशमशेर जबराले सोमबार संसदीय सुनुवाइ समितिको बैठकमा आफ्नो कार्ययोजना प्रस्तुत गरेका छन् । नेपाली सेनामा ४२ वर्ष सेवा गरी प्रधानसेनापति बनेका जबराले आर्थिक कूटनीति, व्यापार, लगानी, प्रविधि हस्तान्तरण र जनस्तरको सहकार्यमार्फत नेपाल–बेलायत सम्बन्ध थप सुदृढ बनाउने प्रतिबद्धता जनाएका छन् । उनले आफ्नो सैनिक अनुभव कूटनीतिक सेवामा लगाउने र यस साझेदारीबाट दुवै देशका जनतालाई अझ बढी अवसर र लाभ सुनिश्चित गर्ने लक्ष्य राखेको बताए ।