पोखरा, भरतपुर र लुम्बिनीबीच 'सिल्भर ट्रयांगल' पर्यटन प्रवर्द्धन पहल सुरु

कास्कीको पोखरा महानगरपालिका, चितवनको भरतपुर महानगरपालिका र रूपन्देहीको लुम्बिनी सांस्कृतिक नगरपालिकाबीच 'सिल्भर ट्रयांगल' अवधारणामा पर्यटन प्रवर्द्धनको साझा पहल अगाडि बढाइएको छ । पर्यटन प्रवर्द्धन, पर्यटन विकास, असल अभ्यास आदान-प्रदान तथा आपसी सहकार्यका लागि विगतमा भएको समझदारी कार्यान्वयन गर्न तीनवटै स्थानीय तहले अग्रसरता देखाएका छन् । यसले देशका मुख्य पर्यटकीय गन्तव्य पोखरा, भरतपुर र लुम्बिनीलाई जोड्नेछ ।