झापामा उपभोक्ता हितविपरीत काम गरेको भन्दै पाँच व्यवसायीलाई पाँच लाख १५ हजार जरिवाना

झापामा उपभोक्ता हितविपरीत काम गरेको भन्दै पाँच व्यवसायीलाई पाँच लाख १५ हजार रुपैयाँ जरिवाना गरिएको छ। जिल्ला प्रशासन कार्यालयले भदौ २० देखि असोज २८ गतेसम्म गरेको बजार अनुगमनका क्रममा म्याद गुज्रिएको गाईको दाना, अखाद्य अमिलो पदार्थ तथा आवश्यक इजाजतबिना विदेशी प्याकेजिङमा आइसक्रिम बिक्री गर्ने र अस्वाभाविक मूल्य लिने व्यवसायीमाथि कारबाही गरिएको हो। दास किराना पसल र शिवम् ट्रेड एन्ड सप्लायर्सलाई जनही दुई लाख रुपैयाँ जरिवाना गरिएको छ भने श्रीराम अमिलो भण्डार र कमल आइस उद्योगलाई पनि जरिवाना गरिएको छ। प्रमुख जिल्ला अधिकारी श्रवणकुमार पोखरेलले यसबारे जानकारी दिएका छन्।