पाकिस्तानी प्रधानमन्त्री सरिफले साउदी अरबको आत्मरक्षाको अधिकारलाई समर्थन गरे

पाकिस्तानका प्रधानमन्त्री शहबाज सरिफले साउदी अरबको आत्मरक्षाको वैध अधिकारप्रति आफ्नो देशको पूर्ण समर्थन रहेको पुनः पुष्टि गरेका छन्। प्रधानमन्त्री कार्यालयका अनुसार सरिफले बुधबार इस्लामाबादमा ‘मक्का रक्षा गठबन्धन’का पहिलो महासचिव नौमान महमुदसँगको भेटमा यस्तो बताएका हुन्। उनले साउदी अरबको सार्वभौमिकता, सुरक्षा र क्षेत्रीय अखण्डताको रक्षाका लागि पाकिस्तान प्रतिबद्ध रहेको बताउँदै महमुदलाई नयाँ जिम्मेवारी सम्हालेकोमा बधाई दिए।