उदयपुरबाट वार्षिक तीन हजार मेट्रिकटन मासु निर्यात

उदयपुर जिल्लाबाट वार्षिक करिब तीन हजार मेट्रिकटन मासु जिल्ला बाहिर निर्यात हुने गरेको छ। भेटेरिनरी अस्पताल तथा पशुसेवा विज्ञ केन्द्र उदयपुरका अनुसार जिल्लामा वार्षिक आठ हजार मेट्रिकटन मासु उत्पादन हुनेमा तीन हजार १२० मेट्रिकटन मासु अन्य जिल्लामा बिक्री तथा ढुवानी हुने गरेको छ। केन्द्रका कार्यालय प्रमुख शुक्रराज लिम्बूका अनुसार उत्पादित मासुको ६१ प्रतिशत स्थानीय बजारमै खपत हुने गरेको छ भने बाँकी ३९ प्रतिशत अन्य जिल्लामा पुग्ने गरेको छ।