मन्त्री लम्सालले क्षतिग्रस्त सडक र आवास छिट्टै पुनर्निर्माण गर्ने बताए

पूर्वाधार विकासमन्त्री सुनिल लम्सालले विपद्का कारण क्षतिग्रस्त पश्चिम बागलुङका सडक र निजी आवास सरकारले छिट्टै पुनर्निर्माण गर्ने बताएका छन्। शुक्रबार बाढीपहिरो प्रभावित क्षेत्रको स्थलगत निरीक्षणपछि उनले क्षतिग्रस्त मध्यपहाडी लोकमार्गको पुनर्निर्माण पहिलो प्राथमिकता रहेको बताए। बाढीपहिरोबाट घरबारविहीन भएकालाई सुरक्षित स्थानमा आवास बनाउने सरकारको योजना अघि बढेको र पीडितलाई मासिक रु १५ हजार राहतको पहिलो किस्ता निकासाको चरणमा रहेको मन्त्री लम्सालले जानकारी दिए।