मन्त्री पुनले फापरखेत पहिरो नियन्त्रण र सिङ्गा–तातोपानी कुण्ड संरक्षणलाई प्राथमिकता दिने

विज्ञान, प्रविधि तथा नवप्रवर्तन मन्त्री महावीर पुनले म्याग्दीको पश्चिमी क्षेत्रका तीन स्थानीय तहलाई जिल्ला सदरमुकाम बेनीसँग जोड्ने बेनी–दरबाङ सडकको मुख्य चुनौती बनेको फापरखेत पहिरोको समस्या समाधानमा चासो देखाएका छन्। बेनी नगरपालिका ४ र मंगलामा पर्ने उक्त पहिरो नियन्त्रण सङ्घीय सरकारको प्राथमिकतामा रहेको उनले बताए। म्याग्दीबाट निर्वाचित प्रतिनिधिसभा सदस्यसमेत रहेका पुनले सिङ्गा–तातोपानी कुण्ड संरक्षणमा पनि चासो देखाएका छन्।