मन्त्री रावलले चितवनमा भूमिहीन र सहकारी पीडितको समस्या समाधानको प्रतिबद्धता जनाइन्

भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले भूमिहीन नागरिक र सहकारी पीडितको समस्या समाधान गर्न सरकार प्रतिबद्ध रहेको बताएकी छन्। उनी चितवन पुगेर भूमिहीन तथा सहकारी पीडितसँग प्रत्यक्ष भेटेर समस्या सुन्न र सरकारले गरिरहेका काम तथा आगामी कार्ययोजनाबारे जानकारी दिन आएकी हुन्। भरतपुर विमानस्थलमा पत्रकारसँग कुराकानी गर्दै जनता मन्त्रीलाई भेट्न आउने नभई मन्त्री जनतालाई भेट्न जानुपर्ने उनले बताइन्। रावलले कात्तिक ९ गते (सोमबार) चितवनका सहकारी पीडितसँग छलफल गर्ने र भूमिहीन तथा सुकुम्बासी नागरिकसँग पनि अन्तरक्रिया गर्ने तयारी छ।

भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले सोमबार चितवन पुगेर जिल्ला प्रशासन कार्यालयको सभाकक्षमा भूमिहीन नागरिक तथा सहकारी पीडितसँग भेटघाट गरिन्। उनले भूमिहीनको समस्या समाधान र सहकारी पीडितको रकम फिर्तालाई दसैँ–तिहारपछि तीव्रता दिने बताइन्। सहकारीको अहिलेको अवस्थाका लागि तत्कालीन सरकार दोषी रहेको उनको भनाइ छ। मन्त्री जनतालाई भेट्न जानुपर्ने भन्दै उनले सरकारको प्राथमिकता भूमिहीन र सहकारी पीडित रहेको जनाइन्।