जनता मन्त्रीलाई भेट्न आउने होइन, मन्त्री जनतामाझ जानुपर्छ : मन्त्री प्रतिभा रावल

भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले जनता मन्त्रीलाई भेट्न आउने नभई मन्त्री आफैँ जनतामाझ पुग्नुपर्ने बताएकी छिन्। भरतपुर विमानस्थलमा पत्रकारहरूसँग कुरा गर्दै उनले सरकारले गरेका कामबारे जनतालाई जानकारी दिन आफू चितवन आएको बताइन्। मन्त्री रावलले भूमिहीन नागरिक र सहकारी पीडितको समस्या समाधान सरकारको प्राथमिकतामा रहेको बताइन्।