स्पेनमा दुई तीव्रगतिका रेल ठोक्किँदा कम्तीमा ६८ जनाको मृत्यु

मध्य स्पेनमा बुधबार दुई तीव्र गतिका रेल ठोक्किँदा कम्तीमा ३० जनाको मृत्यु भएको स्थानीय सञ्चारमाध्यमले जनाएका छन्। मड्रिडको दक्षिणमा पर्ने टोलेडो प्रान्तको मोरा र ओर्गाज नगरपालिकाबीच भएको उक्त दुर्घटनामा रेलका दुई डिब्बा लिकबाट बाहिरिएका छन्। स्पेनी अधिकारीहरूले सुरुमा १० जनाको मृत्यु भएको बताएका थिए, पछि मृत्यु हुनेको संख्या ३० पुगेको छ। उद्धार कार्य जारी छ।

स्पेनको मध्य भागमा बुधबार बिहान दुई तीव्रगतिका रेल ठोक्किँदा कम्तीमा ६८ जनाको मृत्यु भएको छ भने ८० भन्दा बढी घाइते भएका छन्। म्याड्रिडको दक्षिणमा पर्ने टोलेडो प्रान्तको मोरा र ओर्गाज नगरपालिकाबीच म्याड्रिडबाट सेभियातर्फ जाँदै गरेको रेल ट्र्याकमा रोकिएको अर्को रेलमा ठोक्किएको थियो, जसका कारण रेलका धेरै डिब्बा लिकबाट बाहिरिएका थिए। स्पेनका यातायातमन्त्री ओस्कार पुएन्टेका अनुसार कम्प्युटर प्रणालीमा खराबी आएपछि रेलहरू रोकिएका थिए र नियन्त्रण कक्षले गति प्रतिबन्धबिना रेल अघि बढ्न दिएपछि दुर्घटना भएको प्रारम्भिक विवरण छ। सुरुमा १० जनाको मृत्यु भएको जानकारी दिइएको थियो, पछि मृतकको सङ्ख्या बढ्दै गई कास्टिला–ला मन्चा क्षेत्रीय सरकारले ६४ जनाको मृत्यु पुष्टि गरेको थियो भने बीबीसीका अनुसार यो सन् २०१३ यताको स्पेनको सबैभन्दा घातक रेल दुर्घटना हो।