सातै प्रदेशका डीआईजी प्रहरी प्रधान कार्यालयमा बोलाइए

नेपाल प्रहरीले सातै प्रदेशका प्रहरी नायब महानिरीक्षक (डीआईजी) लाई काठमाडौंको नक्सालस्थित प्रहरी प्रधान कार्यालयमा बोलाएको छ। उनीहरूलाई आज बस्ने प्रहरी समन्वय समिति (पीसीसी) को बैठकमा सहभागी हुन हेडक्वार्टर झिकाइएको हो। नेपाल प्रेसका अनुसार सरकारले प्रहरी प्रमुखसहित केही उच्च अधिकारीलाई पदमुक्त गर्ने चर्चा चुलिएसँगै उपत्यका प्रहरी कार्यालयका प्रमुख एआईजीसहित सातवटै प्रदेशका डीआईजीलाई प्रधान कार्यालयमा झिकाइएको हो। संगठनको चेनअफ कमाण्ड र शान्तिसुरक्षा व्यवस्थापनका गम्भीर विषय प्रभावित हुने गरी मिडिया ट्रायल हुन थालेपछि त्यसले पार्ने असरबारे ठोस नीति बनाउनुपर्ने प्रहरी स्रोतको भनाइ छ।