जाडो सुरु भएसँगै गण्डकीमा डेङ्गी सङ्क्रमण घट्यो

वर्षायाम सकिएर जाडो सुरु भएसँगै गण्डकी प्रदेशमा डेङ्गी सङ्क्रमण दर घट्न थालेको छ। प्रादेशिक रोग नियन्त्रण केन्द्रका अनुसार अक्टोबर लागेयता ४२५ जनामा सङ्क्रमण पुष्टि भएको छ, जबकि अगस्टमा सबैभन्दा बढी एक हजार २७४ र सेप्टेम्बरमा एक हजार १९१ जनामा सङ्क्रमण देखिएको थियो। केन्द्रका महानिर्देशक मनमोहन मिश्रका अनुसार यस वर्ष हिमालपारिको मनाङबाहेक गण्डकीका सबै जिल्लामा डेङ्गी फैलिएको छ र सबैभन्दा बढी बागलुङ जिल्ला प्रभावित भएको छ।