कांग्रेस र देशलाई बलियो बनाउनुपर्ने शर्माको आग्रह

नेपाली कांग्रेसका वरिष्ठ उपसभापति विश्वप्रकाश शर्माले पार्टीको नयाँ केन्द्रीय कार्यसमितिमा युवा, द्वन्द्वपीडित तथा सहिद परिवारसहित विभिन्न क्षेत्रका व्यक्तित्वको प्रतिनिधित्व बढेको बताएका छन् । बिहीबार काठमाडौंमा केन्द्रीय कार्यसमितिका नवनिर्वाचित पदाधिकारी तथा सदस्यहरूको शपथ ग्रहण समारोहमा बोल्दै उनले यस्तो बताएका हुन् । उनले नवनिर्वाचित केन्द्रीय सदस्य तथा पदाधिकारीलाई कामको परिणाम देखिने गरी जिम्मेवारी पूरा गर्न आग्रह गर्दै जिम्मेवारी सम्हाल्नु भनेको प्रमाणपत्र र माला लगाएर सामाजिक सञ्जालमा तस्बिर राख्नु मात्र नभएको बताए ।

नेपाली कांग्रेसका वरिष्ठ उपसभापति विश्वप्रकाश शर्माले कांग्रेससँगै देशलाई पनि बलियो बनाउनुपर्ने बताएका छन्। पार्टीको १५औँ महाधिवेशनबाट निर्वाचित पदाधिकारी एवं केन्द्रीय सदस्यहरूको शपथ ग्रहण तथा प्रमाणपत्र वितरण कार्यक्रममा बोल्दै उनले पार्टीलाई एकताबद्ध बनाएर अगाडि बढ्नुपर्नेमा जोड दिए। शर्माले पार्टीको मूल जिम्मेवारी अब युवा पुस्तामा आएको र नयाँ केन्द्रीय कार्यसमितिमा युवा, द्वन्द्वपीडित तथा सहिद परिवारको प्रतिनिधित्व बढेको बताए। नवनिर्वाचित नेतृत्वलाई कामको परिणाम देखिने गरी जिम्मेवारी पूरा गर्न पनि उनले आग्रह गरे।