आईजीपी कार्कीलाई कारबाही नभई जिम्मेवारी हेरफेर गरिएको सरकारको दाबी

सरकारका प्रवक्ता एवं शिक्षा तथा खेलकुद मन्त्री सस्मित पोखरेलले प्रहरी महानिरिक्षक दानबहादुर कार्कीलाई कारबाही नगरिएको, जिम्मेवारी हेरफेर मात्रै गरिएको बताएका छन्। काठमाडौंमा आज मन्त्रिपरिषद बैठकपछि पत्रकारसँग ब्रिफिङ गर्दै उनले आइजिपी कार्कीलाई जिम्मेवारीबाट हटाइनुको कारण सोधिएको प्रश्नको जवाफमा यसलाई कारबाहीको रूपमा हेर्न नहुने दावी गरे।

सरकारका प्रवक्ता तथा शिक्षा तथा खेलकुदमन्त्री सस्मित पोखरेलले प्रहरी महानिरीक्षक दानबहादुर कार्कीलाई कारबाही नगरी जिम्मेवारी मात्र हेरफेर गरिएको बुधबार बताएका छन्। मन्त्रिपरिषद् बैठकपछि सरकारले एआईजी मनोज केसीलाई प्रहरी महानिरीक्षक बनाउने र कार्कीलाई प्रधानमन्त्रीको विशेष सुरक्षा सल्लाहकारको रूपमा खटाउने निर्णय गरेको छ। पोखरेलका अनुसार पार्टीको निर्देशनपछि कार्कीको जिम्मेवारी फेरबदल गरिएको हो। काठमाडौंमा पत्रकारसँग ब्रिफिङ गर्दै उनले यसलाई कारबाहीको रूपमा नहेर्न आग्रह गरे।