सुनकोशी–मरिण ठेक्का रद्दबारे संसदीय छानबिनको माग

सुनकोशी–मरिण डाइभर्सन बहुउद्देश्यीय आयोजनाको ठेक्का रद्द र उच्च सरकारी कर्मचारीमाथि दबाब दिइएको विषयमा छानबिन गर्न नेपाली कांग्रेसका सांसदहरू जनकराज गिरी र योगेश गौचन थकालीले सार्वजनिक लेखा समितिका सभापति भरतबहादुर खड्कासमक्ष निवेदन दिएका छन्। उनीहरूले तत्काल बैठक बोलाउन माग गरेका छन्। ठेक्का अन्तिम समयमा गैरकानुनी रूपमा रद्द गरिएको र कर्मचारीलाई नियन्त्रणमा लिएर दबाब दिइएको उनीहरूको दाबी छ। प्रतिनिधि सभा नियमावलीअनुसार एक चौथाइ सांसदले निवेदन दिएमा पाँच दिनभित्र बैठक बोलाउनुपर्ने व्यवस्था छ।