युवा असन्तुष्टि सम्बोधन नगरे लोकतन्त्र संकटमा पर्ने यादवको चेतावनी

जनता समाजवादी पार्टी नेपालका अध्यक्ष तथा पूर्वउपप्रधानमन्त्री उपेन्द्र यादवले दक्षिण कोरियाको राजधानी सियोलमा आयोजित एसियाली राजनीतिक दलहरूको अन्तर्राष्ट्रिय सम्मेलन (आईक्याप) को १३औँ महासभालाई शुक्रबार सम्बोधन गरेका छन्। युवापुस्तामा बढ्दै गएको राजनीतिक असन्तुष्टि र परम्परागत राजनीतिक नेतृत्वप्रतिको अविश्वासलाई समयमै सम्बोधन गर्न नसके लोकतन्त्रको स्थायित्व नै संकटमा पर्न सक्ने उनले चेतावनी दिए। लोकतन्त्र भनेको आवधिक निर्वाचन मात्र नभई समान अधिकार, सार्थक प्रतिनिधित्व र जबाफदेही संस्थाहरूको उपस्थिति भएको यादवले बताए।