दशौँ राष्ट्रिय खेलकुदका ३२ मध्ये २३ खेल सुर्खेतमा हुने

कर्णाली प्रदेशमा आयोजना हुने दशौँ राष्ट्रिय खेलकुदका कुल ३२ खेलमध्ये २३ खेल मुख्य आयोजक स्थल सुर्खेतमा खेलाउने निश्चित भएको छ। कर्णालीमा रहेको भौगोलिक कठिनाइ र पूर्वाधारका कारण यसपटक धेरै खेल सुर्खेतमै खेलाइने भएको हो। बाँकी खेलहरू प्रदेशका अन्य स्थानमा खेलाइनेछन्।

कर्णाली प्रदेशमा मंसिर १६ देखि २७ गतेसम्म हुने दशौँ राष्ट्रिय खेलकुद प्रतियोगिताका कुल ३२ खेलमध्ये २३ खेल मुख्य आयोजकस्थल सुर्खेतमा हुने निश्चित भएको छ। कर्णालीमा भौगोलिक कठिनाइ र पूर्वाधारका कारण धेरै खेल सुर्खेतमै सञ्चालन हुने शिक्षा तथा खेलकुद मन्त्रालयले जनाएको छ। प्राविधिक समितिबाट अनुमोदित तालिकाअनुसार प्रतियोगिताको औपचारिक उद्घाटन मंसिर १६ गते सुर्खेत रंगशालामा हुनेछ भने समापन मंसिर २७ गते हुनेछ। बाँकी खेल कर्णालीका अन्य स्थान तथा लुम्बिनी प्रदेशमा हुनेछन्।