विशेषज्ञ चिकित्सकको अभावमा गेटा अस्पतालको भिडियो एक्सरे र म्यामोग्राफी सेवा बन्द

कैलालीस्थित सहिद दशरथ चन्द स्वास्थ्य विज्ञान विश्वविद्यालय मातहत सञ्चालित गेटा अस्पतालमा भिडियो एक्सरे र म्यामोग्राफी सेवा बन्द भएको छ। अस्पतालका रेडियोलोजिस्ट डा. होम पन्तको सरुवा र राजीनामापछि विशेषज्ञ चिकित्सकको अभावमा दुई महिनादेखि यी सेवाहरू अवरुद्ध भएका हुन्। अस्पतालका सूचना अधिकारी नैनसिंह कार्कीका अनुसार सेवा बन्द हुँदा दैनिक २० जनासम्म बिरामीहरू अन्यत्र जान बाध्य भएका छन्।