विधि विज्ञान विशेषज्ञका लागि स्नातकोत्तर योग्यता अनिवार्य गर्न मन्त्री पुनको प्रस्ताव

सरकारले विधि विज्ञान (फोरेन्सिक साइन्स) क्षेत्रका विशेषज्ञका लागि न्यूनतम शैक्षिक योग्यता स्नातकोत्तर हुनुपर्ने प्रस्ताव गरेको छ। बुधबार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकमा मन्त्री पुनले सो प्रस्ताव राख्नुभएको हो। राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ माथिको छलफलका क्रममा अनुसन्धान र न्याय सम्पादनमा हुन सक्ने त्रुटि कम गर्न उच्च योग्यता आवश्यक रहेको बताइएको छ।

विज्ञान, प्रविधि तथा नवप्रवर्तनमन्त्री महावीर पुनले विधि विज्ञान (फरेन्सिक साइन्स) विशेषज्ञका लागि न्यूनतम शैक्षिक योग्यता स्नातकोत्तर हुनुपर्ने प्रस्ताव गरेका छन्। बुधबार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकमा 'राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१' माथिको छलफलका क्रममा उनले यस्तो धारणा राखेका हुन्। मन्त्री पुनले विधि विज्ञान अत्यन्तै संवेदनशील विषय भएकोले अनुसन्धान र न्याय सम्पादनमा त्रुटि हुन नदिन दक्ष जनशक्ति आवश्यक रहेकोमा जोड दिए।