स्वास्थ्य बीमा बोर्डद्वारा २३ अर्ब ४४ करोड रुपैयाँ बक्यौता भुक्तानी

स्वास्थ्य बीमा बोर्डले चालु आर्थिक वर्षमा सेवा प्रदायक स्वास्थ्य संस्थाहरूलाई कुल २३ अर्ब ४४ करोड २ लाख ९८ हजार रुपैयाँ भुक्तानी गरेको छ। बोर्डका अनुसार यससँगै २०८२ साल मंसिर मसान्तसम्मका सबै बीमा दाबीहरू फर्छ्योट भएका छन्। शुक्रबार प्रेस विज्ञप्ति जारी गर्दै बोर्डले सम्पूर्ण स्वास्थ्य संस्थाहरूलाई उपचार सेवा नरोक्न र नागरिकलाई निरन्तर सेवा प्रदान गर्न आग्रह गरेको छ।

स्वास्थ्य बीमा बोर्डले चालु आर्थिक वर्षको मङ्सिर मसान्तसम्मको २३ अर्ब ४४ करोड २ लाख ९८ हजार रुपैयाँ बक्यौता रकम भुक्तानी गरेको छ। बोर्डले एक विज्ञप्ति जारी गर्दै आबद्ध सम्पूर्ण सेवा प्रदायक स्वास्थ्य संस्थाहरूको दाबी रकम फर्छ्योट गरिएको जानकारी दिएको हो। बक्यौता भुक्तानी भइसकेकाले स्वास्थ्य सेवा नरोक्न बोर्डले अस्पतालहरूलाई आग्रह समेत गरेको छ। मङ्सिर पछिको दाबी भुक्तानीका लागि आवश्यक बजेट व्यवस्थापन र दिगो वित्तीय स्रोत सुनिश्चित गर्न पहल भइरहेको बोर्डले जनाएको छ।