डेरी क्षेत्रको विकासका लागि पाँच वर्षीय रणनीतिक योजना बनाइने

नेपाल डेरी एसोसिएसनले डेरी क्षेत्रको दीर्घकालीन विकासका लागि पाँच वर्षीय रणनीतिक योजना निर्माण गरी कार्यान्वयनमा लैजाने निर्णय गरेको छ। लुम्बिनी प्रदेशको बुटवलमा सम्पन्न एसोसिएसनको तेस्रो केन्द्रीय समिति बैठकले उद्योगमैत्री नीति, कर छुट र सहुलियतपूर्ण कर्जाको व्यवस्था गर्न सरकारसँग माग समेत गरेको छ। संस्थाले डेरी उद्योगको दिगो वृद्धिका लागि नीतिगत सुधार आवश्यक रहेकोमा जोड दिएको छ।