चितवनमा १५ वर्षदेखिको जग्गा विवाद समाधान गर्न शिक्षामन्त्रीको पहल

शिक्षा, विज्ञान तथा प्रविधिमन्त्री सस्मित पोखरेलले चितवनस्थित रामपुर कृषि क्याम्पस र कृषि तथा वन विज्ञान विश्वविद्यालयबीच १५ वर्षदेखि कायम जग्गा विवाद समाधानका लागि पहल सुरु गर्नुभएको छ। शुक्रबार दुवै शैक्षिक संस्थाको अनुगमन गर्दै मन्त्री पोखरेलले शैक्षिक, अनुसन्धान तथा प्रशासनिक पूर्वाधार र प्रयोगशालाको निरीक्षण गर्नुभयो। त्रिभुवन विश्वविद्यालय अन्तर्गतको रामपुर क्याम्पस र कृषि विश्वविद्यालयबीचको यो विवाद सुल्झाउन सरकारले सक्रियता देखाएको हो। मन्त्री पोखरेलले प्राज्ञिक वातावरण सुधारका लागि जग्गा विवादको स्थायी समाधान खोज्ने प्रतिबद्धता जनाउनुभयो।