झापाका विद्यार्थीलाई विपद् व्यवस्थापन तथा सर्पदंश रोकथाम तालिम

झापाका विभिन्न विद्यालय तथा क्याम्पसका करिब २०० विद्यार्थीहरूलाई विपद् व्यवस्थापन र सर्पदंश रोकथामसम्बन्धी सचेतना तालिम दिइएको छ। अन्तर्राष्ट्रिय झापाली समाजको सहयोग र एनसीसी अलुम्नी एसोसिएसन झापाको समन्वयमा चारआलीस्थित अरिदमन गण ब्यारेकमा सो कार्यक्रम आयोजना गरिएको हो। कार्यक्रममा नेपाली सेना र एनसीसी अलुम्नी एसोसिएसनका प्रतिनिधिहरूले विपद्को समयमा अपनाउनुपर्ने सुरक्षाका उपायहरू र सर्पदंश रोकथामबारे सैद्धान्तिक तथा व्यावहारिक जानकारी प्रदान गरेका थिए।