उपसभामुखको जाहेरीमा पत्रकार किशोर श्रेष्ठलाई पक्राउ गर्न अदालतद्वारा अनुमति अस्वीकार

उपसभामुख रुबी ठाकुरले जनआस्थाका प्रधान सम्पादक किशोर श्रेष्ठविरुद्ध सोमबार जिल्ला प्रहरी परिसर ललितपुरमा जाहेरी दर्ता गराएकी छन्। जनआस्थामा प्रकाशित सामग्रीले आफ्नो चरित्र र प्रतिष्ठामा आँच पुर्याएको भन्दै उनले कानुनी उपचार खोजेकी हुन्। ललितपुरका प्रहरी वरिष्ठ उपरीक्षक तुलबहादुर कार्कीले जाहेरी प्राप्त भएको पुष्टि गर्दै यसबारे आवश्यक अनुसन्धान भइरहेको जानकारी दिएका छन्।

प्रतिनिधि सभाकी उपसभामुख रुबीकुमारी ठाकुरले पत्रकार किशोर श्रेष्ठविरुद्ध जिल्ला प्रहरी परिसर ललितपुरमा जाहेरी दर्ता गराएकी छन्। जनआस्थाका सम्पादक श्रेष्ठ सर्वोच्च अदालतको आदेशपछि रिहा भएकै दिन सोमबार उनीविरुद्ध यो नयाँ जाहेरी परेको हो। ललितपुरका एसएसपी तुलबहादुर कार्कीले जाहेरी प्राप्त भएको पुष्टि गर्दै यसबारे अध्ययन भइरहेको जानकारी दिएका छन्। जनआस्थाको फेसबुक पेजमा प्रकाशित सामग्रीले आफ्नो चरित्र र प्रतिष्ठामा आँच पुर्याएको उपसभामुखको दाबी छ।

उपसभामुख रुबीकुमारी ठाकुरले दिएको जाहेरीका आधारमा पत्रकार किशोर श्रेष्ठलाई पक्राउ गर्न ललितपुर जिल्ला अदालतले अनुमति दिन अस्वीकार गरेको छ। जनआस्थाका सम्पादक श्रेष्ठविरुद्ध उपसभामुखले विद्युतीय कसुर ऐन २०६३ अन्तर्गत जिल्ला प्रहरी परिसर ललितपुरमा जाहेरी दर्ता गराएकी थिइन्। सर्वोच्च अदालतको आदेशपछि भर्खरै रिहा भएका श्रेष्ठले आफूलाई पुनः पक्राउ गर्न सक्ने भन्दै उच्च अदालत पाटनमा निषेधाज्ञाको निवेदन समेत दिएका छन्।