बागलुङबाट वीरगञ्ज अनुदानको मल पठाएर कालोबजारी गरेको आरोपमा तीन जना पक्राउ

बागलुङका किसानका लागि अनुदानमा उपलब्ध गराइएको युरिया मल वीरगञ्ज पठाएर कालोबजारी गरेको आरोपमा तीन जना पक्राउ परेका छन्। पक्राउ पर्नेहरूमा दिनेश पण्डितकुमार, कुलबहादुर रानामगर र विनय शाक्य रहेका छन्। जिल्ला प्रहरी कार्यालयका अनुसार बागलुङ बजारका दुई कृषि सामग्री पसलबाट खरिद गरिएको मल रात्रिबस मार्फत वीरगञ्ज पठाउँदै गरेको अवस्थामा उनीहरूलाई नियन्त्रणमा लिइएको हो।

बागलुङका किसानका लागि अनुदानमा उपलब्ध गराइएको युरिया मल वीरगञ्ज पठाएर कालोबजारी गरेको आरोपमा प्रहरीले तीन जनालाई पक्राउ गरेको छ। पक्राउ पर्नेहरूमा पर्साका दिनेश पण्डितकुमार तथा बागलुङका कुलबहादुर रानामगर र विनय शाक्य रहेका छन्। बागलुङ बजारका दुई पसलबाट खरिद गरिएको मल रात्रिबस मार्फत वीरगञ्ज पठाउँदै गरेको अवस्थामा उनीहरूलाई नियन्त्रणमा लिइएको जिल्ला प्रहरी कार्यालयले जनाएको छ। उनीहरूमाथि कालोबजारी तथा केही अन्य सामाजिक अपराध ऐन अन्तर्गत अनुसन्धान भइरहेको छ।