जय नेपाल पार्टीका अध्यक्ष धवलशम्शेर राणा र पूर्वराजा ज्ञानेन्द्र शाहबीच भेटवार्ता

राप्रपा परित्याग गरी जय नेपाल पार्टी गठन गरेका धवलशम्शेर राणाले पूर्वराजा ज्ञानेन्द्र शाहसँग भेटवार्ता गरेका छन्। शनिबार ‘हिमानी ट्रस्ट’ को एक कार्यक्रममा सहभागी भएपछि राणाले पूर्वराजा शाहलाई भेटेका हुन्। आइतबार बिहान सामाजिक सञ्जालमार्फत भेटको तस्बिर सार्वजनिक गर्दै राणाले छलफल फलदायी रहेको बताए पनि विस्तृत विवरण भने खुलाएका छैनन्।

नवनिर्मित जय नेपाल पार्टीका अध्यक्ष धवलशम्शेर राणाले शनिबार पूर्वराजा ज्ञानेन्द्र शाहसँग भेटवार्ता गरेका छन्। हिमानी शाहले कोरेका चित्रकला लिलामीका लागि हिमानी ट्रस्टद्वारा आयोजित कार्यक्रममा सहभागी भएपछि उनीहरूबीच करिब दुई घण्टा कुराकानी भएको थियो। राप्रपा परित्याग गरी नयाँ पार्टी गठन गरेका राणाले भेटमा आफ्नो पार्टीको नीति र राजतन्त्रसहितको एजेन्डाबारे जानकारी गराएका छन्।