बागमतीका मुख्यमन्त्री किरण थापाको नियुक्तिविरुद्ध अदालतद्वारा कारण देखाऊ आदेश जारी

उच्च अदालत पाटनको हेटौँडा इजलासले बागमती प्रदेशका मुख्यमन्त्री किरण थापा मगरको नियुक्तिविरुद्ध कारण देखाउ आदेश जारी गरेको छ। न्यायाधीश बबिता उप्रेतीको एकल इजलासले सोमबार प्रारम्भिक सुनुवाइ गर्दै विपक्षीका नाममा सो आदेश दिएको हो। अदालतले अन्तरिम आदेश जारी गर्ने वा नगर्ने विषयमा छलफल गर्न दुवै पक्षलाई बोलाएको छ।

बागमती प्रदेशका मुख्यमन्त्री किरण थापा मगरको नियुक्तिविरुद्ध उच्च अदालत पाटनको हेटौँडा इजलासले विपक्षीका नाममा कारण देखाऊ आदेश जारी गरेको छ। न्यायाधीश बबिता उप्रेतीको एकल इजलासले सोमबार दुई छुट्टाछुट्टै रिटमाथि प्रारम्भिक सुनुवाइ गर्दै उक्त आदेश दिएको हो। अदालतले अन्तरिम आदेश दिन अस्वीकार गर्दै यसबारे छलफलका लागि दुवै पक्षलाई बोलाएको छ। राष्ट्रिय प्रजातन्त्र पार्टी (राप्रपा) बागमती प्रदेश संसदीय दलकी प्रमुख सचेतक कुमारी तामाङ लगायतले उक्त नियुक्ति बदरको माग गर्दै रिट दायर गरेका थिए।