बुटवल रारा मसला उद्योगको अनुगमनप्रति रुपन्देही उद्योग संघको आपत्ति

रुपन्देही उद्योग संघले बुटवल–११, ओली पथस्थित बुटवल रारा मसला उद्योगमाथि भइरहेका एकपक्षीय आरोप र गतिविधिप्रति गम्भीर आपत्ति जनाएको छ। मंगलबार प्रेस विज्ञप्ति जारी गर्दै संघले अदालतमा विचाराधीन मुद्दामा असर पर्ने गतिविधि नगर्न चेतावनी दिएको छ। साथै उपभोक्ता हित संरक्षण मञ्च, बुटवलका अध्यक्ष समुन्द्र जिसीले अनधिकृत रूपमा उद्योगमा प्रवेश गरी सञ्चारकर्मी बोलाएर एकपक्षीय समाचार सम्प्रेषण गराएकोप्रति संघले आपत्ति जनाएको छ। सम्बन्धित सरकारी नियामक निकायमार्फत मात्र अनुगमन गर्नुपर्ने संघको भनाइ छ।