नागढुङ्गा सुरुङमार्गमा ट्राफिक नियम उल्लङ्घन गर्ने २८४ चालक कारबाहीमा

काठमाडौँ उपत्यका ट्राफिक प्रहरी कार्यालयले नागढुङ्गास्थित सुरुङमार्गभित्र पटकपटक ट्राफिक नियम उल्लङ्घन गर्ने २८४ जना चालकलाई कारबाही गरेको छ। कार्यालयका प्रवक्ता नरेशराज सुवेदीका अनुसार लेन अनुशासन कायम नगर्ने, तीव्र गतिमा सवारी चलाउने, जथाभावी ओभरटेक गर्ने, अनावश्यक हर्न बजाउने तथा बाटो अवरोध गर्ने चालकलाई कारबाही गरिएको हो। सुरुङमार्ग सञ्चालनमा आएदेखि हालसम्म यस्तो कारबाही भइरहेको छ भने सुरुङमार्गभित्र प्रतिघण्टा ४० किलोमिटरको गतिसीमा तोकिएको छ। यसैबीच नागढुङ्गा–नौबिसे सुरुङमार्गमा बुधबार ओभरटेक, तीव्र गति तथा अन्य ट्राफिक नियम उल्लङ्घन गरेको आरोपमा ट्राफिक प्रहरी प्रभाग नागढुङ्गाबाट खटिएको टोलीले १३ जना चालकलाई कारबाही गरेको छ।

काठमाडौँ उपत्यका ट्राफिक प्रहरी कार्यालयले नागढुङ्गास्थित सुरुङमार्गभित्र पटकपटक ट्राफिक नियम उल्लङ्घन गर्ने २८४ जना सवारी चालकलाई कारबाही गरेको छ। कार्यालयका प्रवक्ता नरेशराज सुवेदीका अनुसार सुरुङमार्ग सञ्चालनमा आएदेखि लेन अनुशासन नमान्ने, तीव्र गतिमा सवारी चलाउने, जथाभावी ओभरटेक गर्ने, अनावश्यक हर्न बजाउने तथा बाटो अवरोध गर्ने चालकलाई कारबाहीको दायरामा ल्याइएको हो। पटकपटक नियम मिच्ने चालकलाई अब सुरुङमार्गको प्रवेशमै रोक लगाइने प्रहरीले जनाएको छ। पछिल्लो चरणमा १३ जना चालक कारबाहीमा परेका छन्।