आईसीसीले ल्यायो नयाँ खेल नियम, ढिलो ब्याटिङमा पाँच रन पेनाल्टी

अन्तर्राष्ट्रिय क्रिकेट परिषद् (आईसीसी) ले खेलको गति बढाउनेलगायत विषयमा नयाँ खेल सर्त लागू गरेको छ। नयाँ नियमअनुसार ब्याटरले निर्धारित समयभित्र बल सामना गर्न तयार नभए पहिलो पटक चेतावनी दिइनेछ भने दोस्रो तथा त्यसपछिको प्रत्येक गल्तीमा विपक्षी टोलीलाई पाँच रन पेनाल्टी दिइनेछ। यी नयाँ व्यवस्था अक्टोबर १ वा त्यसपछि सुरु हुने सबै अन्तर्राष्ट्रिय सिरिजमा लागू हुनेछन्, तर यसअघि नै सुरु भइसकेका शृंखलामा पुरानै नियम कायम रहनेछन्। नयाँ नियममा टेस्ट क्रिकेटमा पिंक बलको प्रयोगलगायत व्यवस्था पनि समेटिएको छ।