बुटवलमा तिनाउ नदीमा हामफालेका एक पुरुष बेपत्ता

रुपन्देहीको बुटवल उपमहानगरपालिका–११ देवीनगर र बुद्धनगर जोड्ने तिनाउ नदीको पुलबाट अन्दाजी ३५/३६ वर्षीय एक पुरुष बिहीबार साँझ नदीमा हाम फालेर बेपत्ता भएका छन्। एक स्रोतका अनुसार घटना साँझ करिब ६ः२० बजे भएको थियो। इलाका प्रहरी कार्यालयले बेपत्ता पुरुषको खोजी गरिरहेको छ।

रुपन्देहीको बुटवल उपमहानगरपालिका–११ देवीनगर र बुद्धनगर जोड्ने तिनाउ नदीको पुलबाट अन्दाजी ३५ वर्षीय एक पुरुष हामफालेर बेपत्ता भएका छन्। इलाका प्रहरी कार्यालय बुटवलका अनुसार उनी बिहीबार साँझ नदीमा हामफालेका थिए र हालसम्म फेला परेका छैनन्। इलाका प्रहरी कार्यालय बुटवलका प्रमुख प्रहरी नायब उपरीक्षक (डिएसपी) निशान्त श्रीवास्तवले बेपत्ता पुरुषको खोजी भइरहेको जानकारी दिएका छन्। बुटवल–११ का जनप्रतिनिधि नकुल शाहीका अनुसार पुरुषको नाम, थर र ठेगाना हालसम्म खुलेको छैन।