एमालेले वडा र पालिका कमिटी अधिवेशनको मिति तोक्यो

नेकपा (एमाले) ले पार्टीका स्थानीय तह कमिटीहरूको अधिवेशन मिति तोकेको छ। अध्यक्ष केपी शर्मा ओलीको अध्यक्षतामा केन्द्रीय कार्यालय च्यासलमा बिहीबार बसेको स्थायी कमिटी बैठकले वडा कमिटीको अधिवेशन मङ्सिर २६ गते र पालिका तहको अधिवेशन पुस ४ गते सम्पन्न गर्ने निर्णय गरेको हो। उपमहासचिव लेखराज भट्टका अनुसार एमालेले मङ्सिरमै प्रदेशस्तरीय भेला पनि गर्नेछ।

नेकपा (एमाले)ले पार्टीका वडा र पालिका कमिटी अधिवेशनको मिति तोकेको छ। अध्यक्ष केपी शर्मा ओलीको अध्यक्षतामा बिहीबार च्यासलस्थित पार्टी केन्द्रीय कार्यालयमा बसेको स्थायी कमिटीको पहिलो बैठकले वडा कमिटीको अधिवेशन मंसिर २६ गते र पालिका कमिटीको अधिवेशन पुस ४ गते गर्ने निर्णय गरेको हो। बैठकले मंसिरको पहिलो साता राष्ट्रिय भेला आयोजना गर्ने निर्णयसमेत गरेको छ, जसमा प्रदेश र जिल्ला कमिटीका पदाधिकारी, पालिका कमिटीका अध्यक्ष तथा उपाध्यक्ष र सबै तहका जनप्रतिनिधिको सहभागिता रहने एमालेले जनाएको छ। स्थायी कमिटी बैठकले मंसिरमा स्थानीय कमिटीको अधिवेशन गर्ने निर्णय गरेको उपमहासचिव लेखराज भट्टले जानकारी दिए।