नयाँ प्रहरी निरीक्षकलाई दबाब र स्वार्थमा नपर्न प्रधानमन्त्री शाहको निर्देशन

प्रधानमन्त्री वालेन्द्र शाहले प्रहरी निरीक्षक आधारभूत तालिम (१८४औँ समूह) पूरा गरेका नयाँ प्रहरी अधिकृतहरूलाई कुनै पनि प्रकारको राजनीतिक दबाब, प्रभाव वा व्यक्तिगत स्वार्थबाट टाढा रहेर जिम्मेवारी निर्वाह गर्न निर्देशन दिएका छन्। सोमबार राष्ट्रिय प्रहरी प्रशिक्षण प्रतिष्ठानमा आयोजित दीक्षान्त समारोहलाई सम्बोधन गर्दै उनले नेपाल प्रहरीको छवि उच्च राख्न इमानदारी र अनुशासन नै मुख्य आधार भएको बताए। लामो र कठोर तालिम पूरा गरेका अधिकृतहरूलाई बधाई दिँदै प्रधानमन्त्री शाहले व्यक्तिगत स्वार्थका गतिविधिमा संलग्न नहुन र संगठनको प्रोटोकलविपरीतका काम नगर्न आग्रह गरेका छन्।