औषधि व्यवस्था विभागले ४७ थरिका औषधिको पैठारी र उत्पादनमा रोक लगायो

औषधि व्यवस्था विभागले विश्व स्वास्थ्य सङ्गठनको अन्तर्राष्ट्रिय मापदण्ड ‘टीआरएस’ पूरा नगरेका ४७ थरिका औषधिको पैठारी तथा नयाँ उत्पादनमा रोक लगाएको छ। महानिर्देशक भरत भट्टराईका अनुसार असोज २० गते महानिर्देशकस्तरीय निर्णयबाट सम्बन्धित औषधिको उत्पादन अनुज्ञापत्र, औषधि बिक्री वितरण दर्ता प्रमाणपत्र, औषधि पैठारी दर्ता प्रमाणपत्र तथा औषधि पैठारी सिफारिस पत्र खारेज गरिएको छ। विभागले सार्वजनिक सूचना जारी गरी यो जानकारी दिएको छ।