दसैँका लागि तातोपानी नाका तीन दिन खुल्ने

दसैँका समयमा वस्तु तथा सामग्रीको आपूर्ति सहज बनाउने उद्देश्यले चीनसँगको तातोपानी नाका तीन दिनका लागि अस्थायी रूपमा सञ्चालनमा आउने भएको छ। उद्योग, वाणिज्य तथा आपूर्तिमन्त्री दीपक कुमार साहका अनुसार चिनियाँ पक्षले नेपाली पक्षको आग्रहलाई सकारात्मक रूपमा सम्बोधन गरेको छ। आउँदै गरेको दशैँलाई लक्षित गर्दै नेपाली बजारमा उपभोग्य वस्तुहरूको आपूर्ति सहज र व्यवस्थित बनाउन नाका खोल्न लागिएको हो।

दसैँका समयमा वस्तु तथा सामग्रीको आपूर्ति सहज बनाउन चीनसँगको तातोपानी नाका तीन दिनका लागि अस्थायी रूपमा सञ्चालनमा आउने भएको छ। उद्योग, वाणिज्य तथा आपूर्तिमन्त्री दीपक कुमार साहको निरन्तर पहल र चिनियाँ पक्षसँगको छलफलपछि नाका खोल्ने निर्णय भएको हो। उद्योग, वाणिज्य तथा आपूर्ति मन्त्रालयले जारी गरेको प्रेस नोटअनुसार कात्तिक १ देखि ३ गतेसम्म नाका खुल्नेछ र मालवाहक सवारीसाधनलाई मात्र आवतजावतको अनुमति दिइएको छ। आइतबारदेखि मंगलबारसम्म तीन दिन तातोपानी नाका सञ्चालन हुनेछ।