सर्लाहीको बाँकेमा ट्रक र इभी ठोक्किँदा १२ जना घाइते

पूर्वपश्चिम महेन्द्र राजमार्गस्थित सर्लाहीको ईश्वरपुर नगरपालिका–१२, बाँके जङ्गलमा शनिबार यात्रुवाहक इभी र ट्रक ठोक्किँदा १२ जना घाइते भएका छन् । पश्चिमबाट पूर्वतर्फ जाँदै गरेको इभी विपरीत दिशाबाट आउँदै गरेको ट्रकमा ठोक्किएर दुर्घटना भएको हो । घाइतेहरूलाई उपचारका लागि लालबन्दीस्थित मोडल अस्पताल पठाइएको छ, र गम्भीर घाइते रञ्जित रामलाई थप उपचारका लागि पठाइएको छ ।