एन्फा अध्यक्ष र महासचिव ललितपुर अदालतमा उपस्थित

अखिल नेपाल फुटबल संघ (एन्फा) का अध्यक्ष पंकजविक्रम नेम्वाङ र महासचिव किरण राई बुधबार ललितपुर जिल्ला अदालतमा उपस्थित भएका छन् । खेल मिलेमतो तथा ठगीसम्बन्धी कसुरमा प्रतिवादी कायम भई फरार रहेका दुवैको बयान न्यायाधीश हरि सिंह धामीको इजलासमा सम्पन्न भएको छ । अदालतका सूचना अधिकारी टीकाध्वज कार्कीका अनुसार अहिले सुनुवाइ भइरहेको छ । नेपाल प्रहरीको केन्द्रीय अनुसन्धान ब्युरो (सीआईबी) को सिफारिसमा उनीहरूविरुद्ध मुद्दा दायर भएको थियो ।