नेपालको सार्वजनिक ऋण ३० खर्ब नाघ्यो, जीडीपीको ४५.५९ प्रतिशत

नेपालको कुल सार्वजनिक ऋण ३० खर्ब रुपैयाँ नाघेको छ । अर्थ मन्त्रालयअन्तर्गतको सार्वजनिक ऋण व्यवस्थापन कार्यालयले सार्वजनिक गरेको २०८३ असोज मसान्तसम्मको प्रतिवेदनअनुसार सरकारको कुल सार्वजनिक ऋण दायित्व ३० खर्ब नाघी देशको अर्थतन्त्रको ४५.५९ प्रतिशत पुगेको छ । चालु आर्थिक वर्षको पहिलो तीन महिनामा सरकारले १ खर्ब २३ अर्ब रुपैयाँ बराबर ऋण लिएको छ भने सोही अवधिमा ७७ अर्ब ७४ करोड रुपैयाँ ऋण तिरेको छ । यससँगै प्रत्येक नेपालीको भागमा १ लाख रुपैयाँमाथि ऋणभार पर्न गएको छ ।

चालु आर्थिक वर्ष २०८३/८४ को पहिलो त्रैमासिक अर्थात् असोज मसान्तसम्ममा नेपालको कुल सार्वजनिक ऋण ३० खर्ब ९ अर्ब ११ करोड ६६ लाख रुपैयाँ पुगेको छ। अर्थ मन्त्रालयअन्तर्गतको सार्वजनिक ऋण व्यवस्थापन कार्यालयका अनुसार गत आर्थिक वर्षको अन्त्यमा २९ खर्ब ८१ अर्ब ७० करोड २८ लाख रुपैयाँ रहेको ऋण तीन महिनामै करिब १ खर्ब २३ अर्ब रुपैयाँले बढेको हो। यो ऋण दायित्व कुल गार्हस्थ्य उत्पादनको ४५.५९ प्रतिशत बराबर पुगेको छ भने सरकारले यो वर्ष थप साढे ६ खर्ब रुपैयाँ ऋण लिने लक्ष्य राखेको छ। प्रत्येक नेपालीको भागमा १ लाख रुपैयाँभन्दा माथि ऋणभार पर्न गएको छ।