रौतहटमा १० लाख रुपैयाँसहित भारतीय नागरिक पक्राउ

रौतहटमा स्रोत नखुलेको १० लाख रुपैयाँसहित एक भारतीय नागरिकलाई प्रहरीले पक्राउ गरेको छ। पक्राउ पर्नेमा भारतको बिहारस्थित मोतिहारी जिल्ला, घोडासहन गाउँका करिब ३३ वर्षीय टुना दास रहेका छन्। सोमबार बौधिमाई नगरपालिका–७ स्थित बंकुल–नरकटिया सडकखण्डमा सवारी जाँचका क्रममा भारतीय नम्बर प्लेटको मोटरसाइकलको सिटभित्र लुकाइराखेको अवस्थामा उक्त रकम बरामद भएको जिल्ला प्रहरी कार्यालय रौतहट र मधेस प्रदेश प्रहरी कार्यालयले जनाएको छ। उक्त मोटरसाइकल बाराबाट रौतहटतर्फ जाँदै थियो।

रौतहटमा स्रोत नखुलेको १० लाख रुपैयाँसहित भारतीय नागरिक टुना दासलाई सोमबार प्रहरीले पक्राउ गरेको छ। बौधिमाई नगरपालिका–७ स्थित बङ्कुल–नरकटिया सडकखण्डमा सुरक्षा जाँचका क्रममा मोटरसाइकलको सिटभित्र लुकाइराखेको अवस्थामा उक्त रकम फेला परेको हो। स्थानीय बङ्कुल बजारस्थित प्रहरी कार्यालयका सहायक निरीक्षक रमेश यादवको नेतृत्वमा खटिएको टोलीले उनलाई नियन्त्रणमा लिएको हो। यसैगरी सप्तरीमा अर्को घटनामा चार लाखभन्दा बढी स्रोत नखुलेको रकमसहित दुई भारतीय नागरिक पक्राउ परेका छन्।