एनपीएलमा विराटनगर किंग्सले जनकपुर बोल्ट्सलाई २ रनले हरायो

नेपाल प्रिमियर लिग (एनपीएल) अन्तर्गत कीर्तिपुरस्थित त्रिवि अन्तर्राष्ट्रिय क्रिकेट मैदानमा जनकपुर बोल्ट्सविरुद्धको खेलमा विराटनगर किङ्सका इमरान शेखले प्रतियोगिताको पहिलो अर्धशतक बनाए। उनले ४० बलमा दुई छक्का र तीन चौकाको मद्दतले ५० रन पूरा गरे। ओपनर लोकेश बमले पनि अर्धशतक बनाउँदै इमरानसँग दोस्रो विकेटका लागि एक सय रनको साझेदारी गरे। टस हारी पहिले ब्याटिङ गरेको विराटनगरले १२ ओभरमा एक विकेट गुमाएर एक सय दुई रन बनाएको थियो भने इमरान ४५ बलमा ५६ रन बनाई जनकपुरका अविषेक तिवारीबाट आउट भए।

नेपाल प्रिमियर लिग (एनपीएल) अन्तर्गत कीर्तिपुरस्थित त्रिवि अन्तर्राष्ट्रिय क्रिकेट मैदानमा जनकपुर बोल्ट्सविरुद्ध विराटनगर किंग्सले निर्धारित २० ओभरमा ३ विकेट गुमाएर १७४ रन बनायो। विराटनगरका इमरान शेखले ४० बलमा पाँच चौका र दुई छक्कासहित ५३ रन बनाए भने ओपनर लोकेश बम र आन्द्रे रसेलले पनि अर्धशतक प्रहार गरे। जनकपुर बोल्ट्सका कप्तान हरमीत सिंहले टस जितेर पहिले बलिङ गर्ने निर्णय गरेका थिए। जनकपुरलाई जितका लागि १७५ रनको लक्ष्य दिइएको छ।

नेपाल प्रिमियर लिग (एनपीएल) अन्तर्गत मंगलबार कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा भएको खेलमा विराटनगर किंग्सले निर्धारित २० ओभरमा तीन विकेट गुमाएर १७४ रन बनाउँदै जनकपुर बोल्ट्सलाई जितका लागि १७५ रनको लक्ष्य दिएको छ। विराटनगरका लागि लोकेश बम, इमरान शेख र आन्द्रे रसेलले अर्धशतक बनाए। जनकपुरका कप्तान हरमीत सिंहले टस जितेर बलिङ रोजेका थिए।

नेपाल प्रिमियर लिग (एनपीएल) अन्तर्गत मंगलबार कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा भएको खेलमा विराटनगर किंग्सले जनकपुर बोल्ट्सलाई २ रनले पराजित गरेको छ। टस हारेर पहिले ब्याटिङ गरेको विराटनगरले लोकेश बम, इमरान शेख र आन्द्रे रसेलको अर्धशतकको सहयोगमा २० ओभरमा ३ विकेट गुमाएर १७४ रन बनाएको थियो। जितका लागि १७५ रनको लक्ष्य पछ्याएको जनकपुर २० ओभरमा ७ विकेट गुमाएर १७२ रनमै सीमित भयो, जसमा सैफ हसनले सर्वाधिक ७१ रन बनाए। आन्द्रे रसेलले चार विकेट लिँदै अन्तिम बलमा सैफ हसनलाई आउट गरेपछि विराटनगरले लगातार दोस्रो जित दर्ता गरेको छ।