देवनगरमा ५० हेक्टरको ‘टाइगर सेन्चुरी’ बनाउने सरकारको योजना

कृषि, वन तथा वातावरण मन्त्री गिता चौधरीले चितवनको देवनगरमा ५० हेक्टर क्षेत्रफलमा 'टाइगर सेन्चुरी' निर्माण गर्ने घोषणा गर्नुभएको छ। चितवन राष्ट्रिय निकुञ्ज र आसपासका क्षेत्रमा हुने मानव-वन्यजन्तु द्वन्द्व न्यूनीकरण र समस्याग्रस्त बाघहरूको व्यवस्थापनका लागि यो पूर्वाधार बनाउन लागिएको हो। हाल देशभर एक दर्जनभन्दा बढी समस्याग्रस्त बाघहरूलाई इन्क्लोजरमा राखिएको छ।

सरकारले चितवनको देवनगरमा करिब ५० हेक्टर क्षेत्रफलमा ‘टाइगर सेन्चुरी’ निर्माण गर्ने योजना अघि सारेको छ। कृषि, वन तथा पर्यावरण मन्त्री गीता चौधरीले प्रस्तावित स्थलको निरीक्षण गर्दै समस्याग्रस्त बाघ व्यवस्थापन र मानव-वन्यजन्तु द्वन्द्व न्यूनीकरणका लागि यो पहल आवश्यक रहेको बताउनुभयो। भ्रमणका क्रममा उहाँले टिकौलीस्थित सशस्त्र वन रक्षक तालिम केन्द्रको समेत निरीक्षण गरी वन्यजन्तु अपराध नियन्त्रणका लागि भौतिक पूर्वाधार र तालिमको आधुनिकीकरणमा जोड दिनुभयो।