वरिष्ठ पत्रकार किशोर श्रेष्ठलाई रिहा गर्न सर्वोच्च अदालतको परमादेश

सर्वोच्च अदालतले वरिष्ठ पत्रकार किशोर श्रेष्ठलाई थुनामुक्त गर्न परमादेश जारी गरेको छ। सोमबार न्यायाधीशद्वय डा. नहकुल सुवेदी र बालकृष्ण ढकालको संयुक्त इजलासले श्रेष्ठलाई हिरासत बाहिरै राखेर अनुसन्धान अघि बढाउन आदेश दिएको हो। अदालतको यो आदेशसँगै काठमाडौँमा रहेका श्रेष्ठ सोमबार नै रिहा भएका छन्।

सर्वोच्च अदालतले वरिष्ठ पत्रकार किशोर श्रेष्ठलाई थुनामुक्त गर्न परमादेश जारी गरेको छ। न्यायाधीशद्वय नहकुल सुवेदी र बालकृष्ण ढकालको संयुक्त इजलासले समाचार प्रकाशनकै आधारमा थुनामा राख्न नमिल्ने ठहर गर्दै उनलाई हिरासत बाहिरै राखेर अनुसन्धान गर्न आदेश दिएको हो। अदालतको आदेशपछि सोमबार राति जिल्ला प्रहरी परिसर काठमाडौंबाट रिहा भएका श्रेष्ठले आफ्नो पक्राउलाई आलोचनात्मक स्वर दबाउने प्रयासको रूपमा टिप्पणी गरेका छन्।