झापामा साउन महिनामा २५ विपद्का घटना, ३४ लाख रुपैयाँ बराबरको क्षति

झापा जिल्लामा गत साउन महिनामा बाढी, पहिरो, आगलागी, चट्याङ र जङ्गली जनावरको आक्रमण लगायतका २५ वटा विपद्का घटनाहरू भएका छन्। जिल्ला प्रहरी कार्यालयका प्रहरी नायब उपरीक्षक रञ्जन अवाका अनुसार यी घटनाहरूबाट ३४ लाख २४ हजार रुपैयाँ बराबरको भौतिक क्षति भएको छ। ती विपद्हरूमा परी दुई जना घाइते भएका छन् भने तीन जनाको सकुशल उद्धार गरिएको छ। जिल्लाका विभिन्न स्थानमा भएका घटनाहरूमध्ये सबैभन्दा बढी आगलागीका घटनाहरू दर्ता भएका छन्।