भरत दाहाललाई २४ घण्टाभित्र उपस्थित गराउन सर्वोच्च अदालतको आदेश

सर्वोच्च अदालतले राजनीतिक विश्लेषक भरतमणि दाहाललाई २४ घण्टाभित्र बन्दीसहित उपस्थित गराउन सरकारका नाममा आदेश जारी गरेको छ। न्यायाधीश कुमार रेग्मीको एकल इजलासले मंगलबार दाहालकी छोरी डेनिका दाहालले दायर गरेको बन्दीप्रत्यक्षीकरण रिटमाथि सुनुवाइ गर्दै उक्त आदेश दिएको हो। युट्युबमार्फत नेताहरूको विरुद्ध भ्रामक प्रचार गरेको अभियोगमा सीआईबीले उनलाई नियन्त्रणमा लिएको थियो।

सर्वोच्च अदालतले राजनीतिक विश्लेषक भरत दाहाललाई अनुसन्धानको मिसिलसहित २४ घण्टाभित्र अदालतमा उपस्थित गराउन सरकारका नाममा आदेश जारी गरेको छ। न्यायाधीश कुमार रेग्मीको एकल इजलासले मंगलबार दाहालकी छोरी डेनिका दाहालले दायर गरेको बन्दीप्रत्यक्षीकरण रिटमाथि सुनुवाइ गर्दै उक्त आदेश दिएको हो। अदालतले प्रधानमन्त्री तथा मन्त्रिपरिषद्को कार्यालयसहितका विपक्षीहरूसँग दाहाललाई नियन्त्रणमा लिनुको कारणबारे लिखित जवाफ समेत माग गरेको छ। युट्युबमार्फत नेताहरूको बारेमा भ्रामक प्रचार गरेको आरोपमा उनलाई सीआईबीले नियन्त्रणमा लिएको थियो।